Skrive 2

Går imot mitt eige råd om å ikkje skrive på kafé. Klarar ikkje å stenge verda ute, miljøet smittar over i teksten. Akkurat no skriv eg dette for å få ein pause, berre kludre ned det eg tenker på. Har akkurat spist ein bolle, burde valgt croissant. I dag tidleg raste fire handverkarar inn døra 07:30. Me må renovere badet, golvet sprekker opp og løsnar. Under flisene fant dei ennå eit lag med fliser, det samme må ha hendt dei som budde der før oss. Men denne gongen blir det ikkje halvvegs, til jul har me badekar. Eg skal bade med Elsa kvar kveld, akkurat som me gjorde i Italia. I ettermiddag tar me toget ut til besteforeldre, slik blir det kvar dag i tre veker. Spise frukost på toget og skrive/redigere på ein kafé nær barnehagen. Eg veit ikkje om me skal bu i den vesle treromsen for alltid, men akkurat no er det ein god tanke. Bygget er frå 1949, ein merkar optimismen frå etterkrigstida i måten det er bygd på. Naboen har budd der sidan starten, eg tenker ofte på akkurat det.

0

Skrive

No er det midten av november. Eg har fylt 31 år. Akkurat no ventar eg på at biblioteket skal opne, eg har drukke ein kruttsterk kaffi og ser den første snøen falle i Skovveien. I dag henta eg fåreskinnskåpa frå bestemor på loftet, eg ser fornuftig og damete ut i den. Så langt har eg brukt heile november til å skrive. Har takka nei til alle fotooppdrag, det måtte berre bli sånn. Har fått oversikt over at eg ikkje har oversikt i det heile tatt. Dagane går så fort, eg får såvidt tid til å skrive det eg tenker eg skal skrive og lese det eg vil. Kvar morgon går eg til biblioteket, avstår frå å kjøpe kaffi i kaféen, har med matpakke. Det er litt klønete reisevei, men så snart eg finn plassen min på lesesalen forsvinn eg inn i skjermen. Når eg er som mest konsentrert merkar eg at eg er sulten, eg overser det så lenge eg kan. Ein fredag var eg heime med feberbarn, spiste klementiner og bestilte pizza. I helga var me på Megazone og skøyt med laserpistol, eg tenkte ingen andre tankar inne i den mørke labyrinten. Det må være mitt beste novembertips.

1

Ein heilt ny familie

_MG_0988
Ein heilt ny familie, berre ti dagar unge. Å få ta bilder av nyfødte er det finaste eg veit. Er aldri nervøs for det, det er berre spennande og stort. Eg får oppleve barseltid på ein heilt anna måte, mi eiga barseltid var prega av såre brystvorter, brystbetennelse, legevakt, ambulanse, sjukehus. Skulle nesten ønske eg hadde booka fotograf den veka som var verst, for det kunne blitt ein ganske bra fotoserie. Men når eg får kikke litt inn i det universet som oppstår hos ein nyfødt familie ordnar det seg alltid litt. Eg blir påmint råskapen og sårbarheten i dei første vekene og kor glad eg er for å ha opplevd det. Og at nyfødte babyar er det aller beste som fins. Då eg redigerte desse bildene tenkte eg ein del på kroppspråket til foreldra, det er så masse kjærleik i det. Fint at babyen får ha desse bildene i framtida og sjå kor fine dei er med kvarandre.
_MG_1010
_MG_1028
_MG_1048
_MG_1078_MG_1081
_MG_1184
_MG_1174
_MG_1457_MG_1562
_MG_1638_MG_1716
_MG_1857_MG_1862
_MG_1891
_MG_1911
_MG_1947

4

Slørsuksess i Slottsparken

_MG_0364
I sommar møtte eg dette brudeparet i Dronningens Hage for å ta brudebilder. Fin plass å ta bilder dersom ein ikkje vil ut av byen, men ta bilder i det grønne. Veit ikkje kvifor det er så lite folk der, kanskje fordi det virkar stengt? Litt japanske turistar tuslar rundt, men ikkje så mange. Bruden var så fin, med blå sandalar, skreddarsydd kjole og varme fargar i buketten. Anar ein trend med varme, litt snåle bukettar, etter mange år med fredelege eucalyptusbukettar. Eg fekk ei openbaring under denne fotograferinga, som var at skal det være slør må det være masse slør, og det må ikkje henge ned i bakken. Brannfakkel: Syns lange slør som festast med kam bak i sveisen skapar mykje bry under fotograferinga, kammen ødelegger ofte frisyren og folk tråkkar alltid på sløret. Ikkje minst syns det ikkje på bildene når det henger bak som ein plagsom myggnetting. Sånn. Men dette sløret var kort, definert og passa perfekt til den enkle kjolen. Likar også veldig godt korte 60-tallsslør eller slør type Jackie Kennedy. Eller Audrey Hepburn i Funny Face.
_MG_0343_MG_0321
_MG_0234_MG_0209
_MG_9672
_MG_9578_MG_0584
_MG_9573_MG_9586
_MG_0486_MG_0547
_MG_0514_MG_9701
_MG_9726_MG_9731
_MG_9870_MG_9900
_MG_9804_MG_9814
_MG_9957
_MG_9932_MG_9936
_MG_0646_MG_0601
_MG_0636
Brudeparet var veldig fine med kvarandre, dei hadde så mange subtile kjærteikn seg imellom. Eg ser jo alt bakom kameraet mitt, eg ser dei som held fram med å kysse når eg tek ned kameraet og dei som ikkje slepp kvarandre i det heile tatt under fotograferinga. Etter ei slik fotografering kan eg være heilt fylt av energi, tenk at det fins så masse forelska folk! Og mange fine folk. Spesielt på lange bryllupsfotografering får eg sett så mange nyansar av eit menneske, korleis dei er med foreldra sine, med vennene sine, når kun partnaren er til stades. Eg får sjå folk utan klede, folk som er stressa, euforiske og veldig sårbare. Eg klarar framleis ikkje sette fingeren på kvifor folk giftar seg, historisk sett har det vore ein patriarkalsk idé, eg kom over ein ekteskapslov frå 1765 ein dag, høyr her: “By marriage, the husband and wife are one person in law: that is, the very being or legal existence of the woman is suspended during the marriage, or at least is incorporated and consolidated into that of the husband.” Er ikkje det den mest skremmande setningen om ekteskap du har høyrt? Den finaste teksten eg har høyrt om ekteskap er nok den dei brukar på Tinghuset, den er så alvorlig og inkluderande, utdrag:
“Det å love hverandre kjærlighet for resten av livet, er det vanskeligste løfte vi kan gi et menneske.
Det krever at dere setter dere høye mål for samlivet, og det krever deres oppriktige
vilje til å strekke dere mot disse målene, i dag og i tiden som ligger foran.”
Syns det er næraste eg kjem ein slags forståelse for kva denne tradisjonen går ut på. Og når eg tenker tilbake på mitt og Henrik sitt bryllup er vigsla det første eg tenker på. Det tok meg med storm, det var eit favorittøyeblikk i livet. I dei minuttane tenkte eg ikkje på alt som kom før og alt som skulle komme etter, eg tenkte berre på at Henrik stod der og ville det samme som meg og kor deilig det var. Ok, no sklei det litt ut her med rant om slør og spørsmål om ekteskapstradisjonen. Takk for meg!

1

Gå i skogen

_MG_1956
_MG_1965
_MG_1979
_MG_1998
_MG_2055
_MG_2073
_MG_2088
_MG_2103
_MG_2112
_MG_2119
_MG_2144_MG_2155
_MG_2232

Eg har skogsabstinensar i dag. Det er masse traktkantarellar der no, eg vil plukke alle! Forrige veke tok me middagen med oss ut i skogen, Elsa fekk brøle som ein bjørn og stoppe ved alle steinar og kvistar. Eg fant sopp til å lage verdens diggaste gryte. Fant ein del i helga også, håpar eg får fleire turar før sesongen er over. Det fins ingenting som gjer meg så glad som å finne sopp. Den andre daten eg og Henrik var på var ein sopptur, det er nøyaktig seks år sidan. Hugsar me møttes på Oslo S og at eg syns han var dødsheit i støvlar, hehe.

0

Ei ideell verd

_MG_6667
_MG_6689
_MG_6731
_MG_6727
Eg deppar litt over valget. Eg er så lei av å høyre at det ikkje har så mykje å sei kven som er statsminister eller om Frp får sitte i regjering i 4 eller 8 år. Fortell det samme til alle mindreårige i Norge som ventar på å få godkjent familiegjenforening. Fortell ein 15-åring at fire år med eller uten foreldre ikkje har noko å sei. I dette valget var det viktigaste for meg ein raus og human innvandringspolitikk. Me har det så bra her i Norge, me må dele det med fleire. Eg vil at dotter mi skal gå i ein kommunal barnehage, der alle kroner går til barna og til å lønne dei fine folka som jobbar der. Kvar dag leverar eg ho til eit lite univers der alle stiller likt. Ei kvinne brukar hijab. Fleire kan andre språk. Barna har foreldre frå alle verdas land. Ho kjem heim med nye ord, nye venner, ho nynnar på songar eg ikkje kan. Ingen er redde kvarandre, regn betyr sølepyttar å plaske i. Kinna hennar luktar søtt frå eplene dei har delt. Ei utopisk glassklokke midt i Oslo, når det stormar utenfor.

2

I want to be with you everywhere

_MG_6072
Dette bryllupet MÅ eg vise! Sjå så fine dei er! Dette bryllupet var ekstremt godt planlagt, samtidig som brudeparet var veldig avslappa og hadde masse tid til å berre være forelska. Eg var mektig imponert, då dei bur på kvar sitt kontinent. Kanskje det er trikset? Tips: tilbring året før bryllupet på ulike kontinent, då får du best stemning på bryllupsdagen. Me tok brudebilder tidleg på dagen, før vigsla og hadde ganske god tid å reise mellom ulike loactions. Brudeparet hadde valgt ut fleire plassar som betydde noko for dei til bildene. Med kanelboller i veska gjekk det faktisk heilt fint å farte rundt, minus ei lita tå som fekk gnagsår. Lurar litt på om eg skal begynne å tvinge alle brudepar til å ta bilder før viglse og middag, det er så befriande å ha god tid! Begge hadde brudekjolar frå Gaggu Vintage, i år har nitti prosent av alle brudane mine fått sydd kjole der, eller fått tilpassa kjole der. Virkar som om Hedvig (hjernen bak Gaggu) har dekka eit behov hos norske brudar. Vigsla og festen var på Ingensteds, håpar eg få ta bilder der fleire gongar. Bra lys, fint ute og ingen krise dersom regn. I tillegg hadde dei tilfeldigvis booka koret mitt (verdens beste) Akerselva Kvinnekor til å synge Fleetwood Mac og Donna Lewis. Eg nynna litt bak kamera. Men, over til bildene:
_MG_6039_MG_6069
_MG_6117
_MG_6148_MG_6103
_MG_6188
_MG_6278_MG_6338
_MG_6456
_MG_6464_MG_6526
_MG_6553_MG_6566
_MG_6677
_MG_6691_MG_6819
_MG_6857
_MG_6954
_MG_6931_MG_6963
_MG_6984
_MG_6975_MG_7012
_MG_7038
_MG_7067_MG_7074
_MG_7208
_MG_7453
_MG_7468_MG_7297
_MG_7388_MG_7521
_MG_7854
_MG_7955
_MG_8209_MG_8203
_MG_8252
_MG_8428_MG_8289
_MG_8531
_MG_8731_MG_8736
_MG_8956
_MG_9252_MG_9286
_MG_8610

2

Barnehagestart

_MG_7013_MG_7010
Forrige veke hadde me barnehagestart! Man kjenner at man lever etter ei slik veke. Det er så masse kjensler, så langt er det nok eg som har stått for all grininga i barnehagen. Eg spionerte på Elsa medan ho sykla på ein trehjulssykkel ein av dei første dagane og det var så stort å sjå ho ha sitt eige liv. Eg kan framleis ikkje levere uten å felle eit par tårer når eg går ut av porten, det er sårt å vite at eg ikkje alltid kan trøste, kose eller være der når ho spør etter meg. Ikkje at eg trur ho spør så mykje etter meg, eg er nesten litt fornærma over kor kul ho er når ho valsar inn og såvidt har tid til å sei hadet. Det er så mange nye relasjonar å bygge, og eg har måtte tenke litt gjennom kva slags mamma eg skal være i barnehagen. Så langt prøvar eg så godt eg kan å sleppe kontrollen og stole på at barnehagen har meir erfaring med småbarn enn eg har. Sjølv om eg tek meg sjølv i å lure på om dei hugsa å ta på lue eller om dei veit at ho ikkje vil ha melk til maten. Elsa starta samme dag som venninna si i oppgangen, å sjå dei gå til barnehagen medan dei holdt hender var kanskje det finaste med alt. No startar det store eventyret om vennskap, ein ting eg aldri kan gi ho. Eg har hatt ho i magen, sett det første smilet, det første skrittet og tidvis tenkt på ho som ein del av meg sjølv. Tanken på at ho får sine eigne venner og andre voksne å stole på er heilt overveldande. Eg kan ikkje ønske meg noko meir enn å få bli med, vake over ho frå vinduet medan ho syklar avgårde med det store, ville smilet.

1

Etterstad Kolonihage

På laurdag var me på festival i kolonihagen. No har eg endelig satt meg på liste for å få hus der, eg burde jo ha gjort det då eg flytta til Oslo i 2010. Eg kjøpte gulrotsyltetøy i rein forfjamselse, men angra på at eg ikkje kjøpte plomme- og rødvinsyltetøy. Så spennande å få gå litt rundt i dei små hagane. Eg får nesten litt vondt av å sjå kor fint folk har det.

_MG_6766
_MG_6798
_MG_6818
_MG_6810
_MG_6830
_MG_6885
_MG_6836
_MG_6799
_MG_6821_MG_6896
Eg ser så tydelig for meg korleis me ville hatt det. Ein god plass å sitte, ein solbærbusk og eit plommetre. Kanskje valmuar og gulrøtter. Og at Oslo ville være like utenfor gjerdet.

0

Eit klassisk Oslobryllup

Hmm, eg har ganske mange fine bilder frå i vår og sommar eg ikkje har orka å kuratere for bloggen. Men bryllup er alltid lett å flette inn blant kvardagsbildene, så tenkte eg skulle vise litt av det framover. Blir skikkelig inspirert av alle årets brudepar, dei er så forskjellige og overraskar meg stadig. Dette paret gifta seg på Tinghuset, med kun forlovarar og paret som introduserte dei i rommet. Ingen stor greie, men etterfulgt av ei skikkelig bryllupsreise. Enkelt, elegant og veldig gøy! Me gjekk innom Nasjonalgalleriet for å ta brudebilder (og så klart eit cheesy Munchbilde). Etterpå kidnappa eg brudeparet med meg til Slottsparken før dei forsvant avgårde til bryllupsmiddag på restaurant.

_MG_5100_MG_5108
_MG_5207
_MG_5229_MG_5261
_MG_5299_MG_5301
_MG_5331
_MG_5474
_MG_5458_MG_5513
_MG_5542_MG_5559
_MG_6244
_MG_5931_MG_5661
_MG_6142
_MG_6148
_MG_6277_MG_6279
_MG_6281
_MG_6525_MG_6371
_MG_6334

2